बिहे गर्ने तयारीमा गायिका अञ्जु पन्त

बिहे गर्ने तयारीमा गायिका अञ्जु पन्त

Posted On 02 February 2021 | By Namaste Hajur

गायिका अञ्जु पन्तले थीर कोइरालासँग विवाह गर्ने भएकी छिन्। गायिका पन्तले भनिन्, 'दुवैतिरका घर परिवारका सदस्यबीच बिहेबारे सल्लाह भइसकेको छ।'  उनले आफ्नो बिहेपछि नयाँ अध्याय सुरु हुने समेत बताइन्। 'बिहे गर्ने सहमतिमा पुगे पनि मिति तय हुन भने बाँकी छ। दुवै जनाको अनुकुल समय मिलाएर मिति तोक्ने छौं' - इलामका थीरले भने।

आजभन्दा ६ वर्षअघि थीर र अञ्जु पन्तको पहिलो भेट नेपाल टेलिभिजनको एउटा कार्यक्रममा भएको थियो।त्यसबेला थीर नेपाल टेलिभिजनमा ‘सर्वाङ्गिण संवाद’ कार्यक्रम चलाउँथे। अञ्जु र थीर बीच त्यही कार्यक्रममा पहिलो चिनजान भएको थियो। लामो समयको प्रेम सम्बन्धपछि उनीहरु केही महिनामै वैवाहिक बन्धनमा बाँधिने भएका हुन्।

काठमाडौंअघि इटहरी बस्दै आएका थीर 'इटहरी साप्ताहिक'का पूर्वसम्पादक हुन्। पत्रपत्रिकामा लेखसमेत लेख्दै आएका उनी हाल उनी गैरसरकारी संस्था सञ्चालन गर्छन्। - सेतोपाटि

दरबारमार्गको लन्डन पबमा सुष्मा कार्कीलाई झापड!

दरबारमार्गको लन्डन पबमा सुष्मा कार्कीलाई झापड!

Posted On | By Namaste Hajur

आफूमाथि कुटपिट तथा गालीगलौज भएको भन्दै नायिका सुष्मा कार्कीले प्रहरी कार्यालयमा उजुरी दिएकी छन्। उनले नायिका स्वेता खड्काकी बहिनी आरती खड्का र पत्रकार उत्सव रसाइलीविरूद्ध उजुरी दिएकी हुन्।

मंगलबार दिउँसो उनी काठमाडौंको महानगरीय प्रहरी वृत्त, दरबारमार्गमा उजुरी दिन आएको प्रहरी नायब उपरीक्षक (डिएसपी) रामेश्वर पौडेलले बताए। गएराति दरबारमार्गको लन्डन पब क्याफेमा झगडा भएको भन्दै उजुरी दिन आएको उनले बताए। 'पबमा झगडा भयो भनेर ठाडो निवेदन दिनुभएको छ। हामीले अनुसन्धान गरिरहेका छौं,'डिएसपी पौडेलले भने,'जाहेरी दिनुभएको होइन। हामीले दुबै पक्ष राखेर कुराकानी गराउँछौं।'

उत्सव रसाइलीका अनुसार सोमबार राति सुरूमा नायिका कार्कीले नै रसाइलीमाथि दुर्व्यवहार गरेकी थिइन्। 'हामी रमाइलो गरिरहेका थियौं। तर उहाँले त्यहाँ भएका कलाकारहरूलाई तथानाम गाली गर्नुभयो। मलाई पनि त 'कामी' यस्तो गर्ने भन्दै जातीय हिसाबले गाली गर्नुभयो,' रसाइलीले भने,'म हिजो पाहुना भएर गएको थिएँ ममाथि दुर्व्यवहार भएपछि स्वेताजीहरूले मलाई प्रोटेक्ट गर्नुभो। त्यसरी दुर्व्यवहार गरेपछि आरती जीले एक झापड हान्नु भएको हो।'

हिन्दि सिरियलमा नेपाली अभिनेत्री

हिन्दि सिरियलमा नेपाली अभिनेत्री

Posted On 08 September 2020 | By Namaste Hajur

नेपाली चलचित्र ‘जानी नजानी’ बाट अभिनेत्रीको रुपमा डेब्यू गरेकी निरिषा बस्नेतले तीन वर्षपछि भारतीय सिरियलमा कमब्याक गरेकी छन्। उनको केमियो भूमिका रहेको सिरियल ‘तेनाली रामा’ को प्रोमो बाहिरीएको छ। जसमा निरिषाको चरित्रचित्रण गरिएको छ। प्रोमोमा भिन्न गेटअपमा देखिएकी उनी यो सिरियलमा चिनियाँ युवतीको भूमिकामा प्रस्तुत छिन्। सिरियलको प्रोमोमा उनलाई चिनियाँ मौलिक पहिरनमा हिन्दी भाषामा संवाद बोल्दै गरेको देख्न सकिन्छ।

भारतीय टिभी ‘सोनी सब’ बाट प्रशारण हुँदै आएको सिरियललाई अभिमन्यू सिंहको प्रोडक्सन हाउसले निर्माण गरेको हो। निरिषाले यसअघि हिन्दी सिरियल ‘चन्द्र नन्दिनी’ मा पनि काम गरेकी थिइन्। यसमा उनको मुख्य भूमिका थियो। यसपछि उनले नेपाल आएर चलचित्र ‘जानी नजानी’ मा काम गरेकी थिइन्। हाल मुम्बईमा बस्दै आएकी बस्नेतले लकडाउन अघि एक साउथ फिल्म साइन गरेकी थिईन। उनी बलिउड प्रवेशका लागि पनि प्रयास गर्दैछिन्।

‘गोल्ड प्रिन्सेस अफ द वर्ल्ड २०२०’ मा प्रिन्शा खड्कालाई दुई उपाधी

‘गोल्ड प्रिन्सेस अफ द वर्ल्ड २०२०’ मा प्रिन्शा खड्कालाई दुई उपाधी

Posted On 04 September 2020 | By Namaste Hajur

गत बर्ष इजिप्टमा आयोजित अन्तराष्ट्रिय ब्युटी एण्ड प्याजेन्ट 'मिनी मोडल वल्ड २०१९' को क्राउन सँगै बेष्ट डान्सर अवार्ड जितेकी नेपालकी प्रिन्शा खड्काले यस पटक पनि अर्को एक अन्तर्राष्ट्रिय प्रतिष्पर्धामा दुई अवार्ड हासिल गरेकी छिन्।

साउथ युरोपको बुल्गेरियामा अनलाइन मार्फत आयोजित 'प्रिन्स एण्ड प्रिन्सेस अफ द वल्ड २०२०' मा नेपालको प्रतिनिधित्व गर्दै ७ वर्षिया प्रिन्शा खड्काले फस्ट प्लेस 'गोल्ड प्रिन्सेस अफ द वल्ड २०२०' को उपाधी सँगै स्पेसियल अवार्ड अफ द फेस्टिवल अन्तर्गत 'प्रिन्सेस ओर्जिनालिटी' अवार्ड समेत जितेको आयाेजक संस्था 'वर्ल्ड फेस्टिवल फर ब्युटी ट्यालेन्ट एण्ड फेशन'ले बताएको छ।

विभिन्न देशहरुबाट करिव ५० भन्दा बढी बालबालिकाले अनलाइन मार्फत प्रतिष्पर्धा गरेको उक्त प्रतियोगितामा आफ्नो उत्कृष्ट प्रस्तुती दिँदै प्रिन्शाले 'गोल्ड प्रिन्सेस अफ द वल्ड २०२०' को ताज जितेकी हुन। त्यस्तै नेपालकै अर्की सहभागी सुप्रिया नगरकोटीले पनि 'सिल्भर प्रिन्सेस अफ द वल्ड २०२०' जितेकी छिन। विश्वव्यापी COVID-19 का कारण आवार्ड वितरण भने १७-२४ जुन २०२१ मा बुलगेरियामा गरिने आयाेजक संस्थाले बताएको छ।

रुकुमकी प्रिन्शा खड्काले यसअघि नेपालमा आयोजित 'मिनी लिटल च्याम्प नेपाल २०१९' टाइटल जितेकी थिइन्। हाल काठमाडौमा कक्षा दुईमा अध्ययनरत प्रिन्शा नृत्य तथा गायनमा पनि उत्तिकै अब्बल छिन। विलक्षण प्रतिभाकी धनी प्रिन्शाले नारायण रायमाझीकाे बहुचर्चित गित 'कारगिल भाग २' म्युजिक भिडियोमा बाल कलाकारकाे रुपमा अभिनय गरेकि छिन।

विश्वभर बाट ८ जना जुरी मेम्बर रहेको उक्त प्रतियोगितामा नेपालवाट मोर्निंग ग्लोरी इन्टरटेनमेन्टकी संचालिका मोहना मोथे खनाल जुरी टिममा थिइन।

नयाँ चलचित्रमा अभिनेत्री श्वेता खड्का

नयाँ चलचित्रमा अभिनेत्री श्वेता खड्का

Posted On | By Namaste Hajur

चलचित्र ‘कहाँ भेटिएला‘ बाट नेपाली चलचित्रमा प्रवेश गरेकी अभिनेत्री श्वेता खड्काले नयाँ चलचित्रमा काम गर्ने भएकी छिन। उनी अभिनित चलचित्र ‘कान्छी’ दुइ वर्ष अघि प्रदर्शनमा आएको थियो। अहिले आफ्नो व्यापार व्यवसायमा व्यस्त रहेकी उनी यम थापाको लेखन तथा निर्देशनमा बन्न लागेको नयाँ चलचित्रमा अनुबन्ध भएकी हुन्।

‘हुर्रे’, ‘मेरी मामु’ र ‘राज्जा रानी’ निर्देशन गरिसकेका यम थापाको निर्देशनमा बन्ने नयाँ चलचित्रमा श्वेता आमाको भूमिकामा देखिने छिन्। चलचित्रले आमा र छोरीको भावनात्मक सम्बन्धको कथा बोल्ने बताईएको छ। कोरोना महामारी अवस्था अलिक सहज हुने बित्तिकै चलचित्रको छायाँकन सुरु हुने निर्देशक यम थापाको भनाई रहेको छ।

चलचित्रमा छोरीको भूमिका बाल कलाकार सेड्रिना शर्मालाई अफर गर्ने सोचमा छन् निर्देशक थापा। सेड्रिना अहिले जन्मथलो झापामा रहेको कारण कुरा अगाडि बढ्न पाएको छैन। डेब्यू चलचित्र ‘कहाँ भेटिएला’ देखि नै लभर गर्लको भूमिकामा देखिँदै आएकी श्वेतालाई यो चलचित्रमा पहिलो पटक दर्शकले भिन्न भूमिकामा देख्न पाउनेछन्। आमाको भूमिका भए पनि चलचित्रमा केन्द्रिय भूमिका श्वेताको रहने निर्देशक थापा बताउछन्।

हाल स्क्रिप्टको कार्य सकायर लोकेसन फाइनल गर्ने कार्यमा लागेका थापाले चलचित्रमा समाबेश अन्य कलाकार तथा प्राबिधिकहरुको जानकारी केहि समय पछि गराउने बताए। कोरोना महामारीका कारण ठप्प रहेको चलचित्र उद्योगलाइ चलायमान बनाउनु र चलचित्रकर्मी तथा प्राबिधिकहरुलाई आशाबादी बनाउन जरुरि रहेका कारण आफु यो अवस्थामा पनि चलचित्र निर्माणमा जुटेको थापाले बताए।

नायिका श्वेता खड्काको आकर्षक फोटो ग्यालरी हेर्न यहाँ क्लिक गर्नुहोस्

बलिउड अभिनेत्री ऐश्वर्या राय बच्चन र उनकी छोरी आराध्यामा पनि कोरोना भाइरस

बलिउड अभिनेत्री ऐश्वर्या राय बच्चन र उनकी छोरी आराध्यामा पनि कोरोना भाइरस

Posted On 12 July 2020 | By Namaste Hajur

बलिउड अभिनेत्री ऐश्वर्या राय बच्चन र उनकी छोरी आराध्या बच्चनमा पनि कोरोना भाइरसको संक्रमण देखिएको छ। शनिवार अमिताभ बच्चन र अभिषेक बच्चनमा कोरोना संक्रमण देखिएपछि पूरै बच्चन परिवारको परीक्षण गरिएको थियो। त्यसक्रममा पहिलो पटक गरिएको परीक्षणमा ऐश्वर्या र आराध्याको रिपोर्ट नेगेटिभ आएको थियो। तर, दोश्रो पटक गरिएको परीक्षणमा ऐश्वर्या र आराध्यामा कोरोना भाइरस पोजेटिभ देखिएको छ। जया बच्चनको रिपोर्ट भने नेगेटिभ आएको जनाइएको छ।

बलिउड अभिनेता अमिताभ बच्चन र उनका छोरा अभिषेक लाई कोरोना पोजेटिभ

बलिउड अभिनेता अमिताभ बच्चन र उनका छोरा अभिषेक लाई कोरोना पोजेटिभ

बलिउड अभिनेता अमिताभ बच्चन र उनका छोरा अभिषेक लाई कोरोना पोजेटिभ

Posted On | By Namaste Hajur

बलिउड अभिनेता अमिताभ बच्चन र उनका छोरा अभिषेक बच्चनलाई कोरोना पोजेटिभ देखिएको छ। बाबु छोरा दुबैले आफ्नो ट्वीटरमा प्रोफ़ाईलमा यो खबर सेयर गरेका हुन्। शनिबार साँझ आफूलाई कोरोना पोजेटिभ भएको पाएसँगै अस्पताल भर्ना भएको पनि पोस्टमा उल्लेख गरिएको छ।

T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !

— Amitabh Bachchan (@SrBachchan) July 11, 2020

उनलाई उपचारका लागि मुम्बईको नानावती अस्पतालमा भर्ना गरिएको भारतीय सञ्चार माध्यमले जनाएका छन्। अमिताभले ट्वीटरमार्फत पारिवारको सदस्य र अन्य स्टाफहरुको परीक्षण प्रक्रिया अघि बढिसकेको र नतिजा पर्खाइमा रहेको पनि जनाएका छन्। उनले आफूलाई विगत १० दिनयता भेट्ने सबैलाई कोरोना परिक्षण गर्न आग्रह समेत गरेका छन्।

Earlier today both my father and I tested positive for COVID 19. Both of us having mild symptoms have been admitted to hospital. We have informed all the required authorities and our family and staff are all being tested. I request all to stay calm and not panic. Thank you. 🙏🏽

— Abhishek Bachchan (@juniorbachchan) July 11, 2020

बलिउड अभिनेत्री ऐश्वर्या राय बच्चन र उनकी छोरी आराध्यामा पनि कोरोना भाइरस

कोरोना महामारीको डटेर सामना गर्ने महिलाकालागि एक लाख डलर सहयोग

कोरोना महामारीको डटेर सामना गर्ने महिलाकालागि एक लाख डलर सहयोग

Posted On 26 April 2020 | By Namaste Hajur

कोरोना भाइरसबाट पूरा संसार प्रभावित भएको छ। यो महामारीसँग लड्न बलिउड सेलिब्रिटीले पनि मद्दत गरिरहेका छन्। प्रियंका चोपडा, शाहरुख खान, अक्षय कुमार, सलमान खानसहित धेरै सेलिब्रिटी विभिन्न प्रकारका सहयोग लिएर अगाडि आएका छन्। धेरै स्थानमा गरिएको च्यारिटीपछि अभिनेत्री प्रियंकाले स्वास्थ्यकर्मीको पीडा अनुभव गरिन्।

प्रियंकाले फ्रन्टलाइन हेल्थकेयर वर्कसका लागि २० हजार थान फुटवेअर्स सहयोग गरेकी छन्। खबरअनुसार उनले कोरोना भाइरस महामारीबीच लसएन्जल्समा फ्रन्टलाइनमा काम गरिरहेका स्वास्थ्यकर्मीका लागि १० हजार फुटवेअर दान गरेकी छन् यसबाहेक पूरा भारतका सार्वजनिक र सरकारी अस्पतालका स्वास्थ्य सेवाकर्मीका लागि अतिरिक्त १० हजार जोडी जुत्ता पठाएकी छन्।

प्रियंकाले ‘क्रक्स सुज’ पठाएकी छन् ताकि घण्टौं काम गर्दा उनीहरूले सहज अनुभव गरून्। प्रियंका र उनका पति निक जोन्स लकडाउनबाट प्रभावित स्वास्थ्यकर्मीलाई मात्र होइन विद्यार्थी, महिला, गरिब परिवार र बच्चालाई पनि सहयोग गरिरहेका छन्। प्रियंकाले युनिसेफ, फिडिङ अमेरिका, डाक्टर्स विदाउट बोर्डर्स, नकिङ हंग्री, गिभ इन्डिया, आईएएचभी, फ्रैंड्स अफ एसिमा र पीएम केयर फन्डलाई डोनेसन दिइसकेकी छन्। यसका साथै उनले यो संकटको डटेर सामना गर्ने महिलाका लागि एक लाख डलर अर्थात् ७६ लाख भारतीय रुपैयाँ सहयोग गर्ने बताएकी छन्।

स्कुल खोल्ने तयारीमा बलिउड नायिका सन्नी

स्कुल खोल्ने तयारीमा बलिउड नायिका सन्नी

Posted On 27 June 2019 | By Namaste Hajur

बलिउड नायिका सन्नी लियोनीले अब स्कुल खोल्ने भएकी छिन्। उनको स्कुलमा कला सम्बन्धि पढाई हुने भारतीय सञ्चार माध्यमले उल्लेख गरेको छ।

कला एवं संस्कृतिको वारेमा वालवालिकालाई जानकारी गराउने उद्देश्यले स्कुल खोल्न लागेको सन्नीको भनाई रहेको छ।

उनले सञ्चालन गर्ने स्कुलमा १२ देखी ३६ महिनाका बालवालिकाले मात्रै भर्ना पाउनेछन्। उक्त स्कुल आउदो वर्षदेखी सञ्चालनमा आउने बताईएको छ।

अभिनेत्री करिश्मा मानन्धर ‘बी प्लस’ ग्रेड / तीन जीपीएसहित एसईई उत्तीर्ण

अभिनेत्री करिश्मा मानन्धर ‘बी प्लस’ ग्रेड / तीन जीपीएसहित एसईई उत्तीर्ण

Posted On | By Namaste Hajur

२०७५ सालका एसइइ परीक्षामा ‘बी प्लस’ ग्रेडसहित उत्तिर्ण भएकी अभिनेतृ करिश्मा मानन्धरले नतिजाबाट आफु निकै खुशी भएको प्रतिक्रिया दिएकी छन् । बिहीबार सार्वजनिक २०७५ सालको एसइइ परीक्षाका नतिजाअनुसार मानन्धर ‘बी प्लस’ ग्रेड सहित उत्तिर्ण भएकी हुन् ।

करिश्मा मानन्धरको ग्ल्यामरस फोटो ग्यालरी हेर्न यहाँ क्लिक गर्नुहोस् 

नतिजा सार्वजनिक भएपछि अभिनेतृ मानन्धरले भनिन्, ‘यो रिजल्टबाट म एकदमै खुशी छु । अब व्यवस्थापन पढ्छु ।’ विद्यालय तहको अध्ययन बिचैमा छाडेर अभिनय यात्रामा निस्केकी अभिनेतृ मानन्धरले तीन दशक लामो समयपछि विद्यालय तहको अध्ययन सुरु गरेकी थिइन् ।

भदौ ६ मा कमेडी, रोमान्स र द्वन्द्व भरपुर 'द डार्क एण्ड लाइट'

भदौ ६ मा कमेडी, रोमान्स र द्वन्द्व भरपुर 'द डार्क एण्ड लाइट'

Posted On 25 June 2019 | By Namaste Hajur

खालिङ सिस्टर्स मुभिज प्रालिको ब्यानरमा निर्माण भएको चलचित्र ‘द डार्क एण्ड लाइट’ को सम्पूर्ण छायांकन सम्पन्न भएको छ। मंगलबार पोखरामा चलचित्रको ‘राधा कृष्ण…' गीतको छायांकनसंगै चलचित्रको सम्पूर्ण छायांकन सम्पन्न भएको घोषणा गरिएको हो। चलचित्रको प्रमोशनल गीतमा अभिनेत्री मरिष्का पोखरेलले आकर्षक नृत्य गरेकी छिन्। राजेन्द्र थापाको शब्द तथा दीपक शर्माको संगीत निर्देशनको उक्त गीतमा डेविड शंकर तथा सरस्वती भुजेलको पाश्र्व गायन छ।

चलचित्रको छायांकन सम्पन्न भए लगत्तै यसको प्रदर्शन मिति समेत सार्वजनिक गरिएको छ  चलचित्रकी निर्मात्री तथा कलाकार सरस्वती भुजेलका अनुसार यो चलचित्र यही भदौ ६ गते शुक्रवारदेखि देशव्यापी प्रदर्शन हुनेछ। चलचित्रलाई राजु अर्याल, पिटर खालिङ तथा सरस्वती भुजेलले निर्देशन गरेका हुन्।

समसामयिक विषयमा आधारित चलचित्रले हरेक व्यक्तिमा हुने नकारात्मक तथा सकारात्मक पक्षलाई उजागर गर्ने बताइएको छ। चलचित्रका प्रस्तुतकर्ता तथा अभिनेता पिटर खालिङका अनुसार चलचित्र कमेडी, रोमान्स तथा द्वन्द्वप्रधान छ। चलचित्रमा पिटर खालिङ र सरस्वती भुजेलसहित सेसुका राई, प्रिन्सा राई आदी कलाकारहरुले मुख्य भूमिका निर्वाह गरेका छन्।

चलचित्रमा कुमार महर्जनको द्वन्द्व निर्देशन छ भने चलचित्रलाई शिव ढकाल तथा सविन भट्टराईले छायांकन गरेका छन्। कमल राई यो चलचित्रको कोरियोग्राफर हुन्। सरस्वती भुजेल तथा पिटर खालिङ नै निर्माण रहेको यो चलचित्रको कथा, पटकथा तथा संवाद अभिनेता पिटर खालिङले तयार पारेका हुन्।

सिड्नीमा नेपाल आइडल २ का विजेताको लाइभ कन्सर्ट

सिड्नीमा नेपाल आइडल २ का विजेताको लाइभ कन्सर्ट

Posted On 26 January 2019 | By Namaste Hajur

लोकप्रिय गायन रियालिटी शो नेपाल आइडल सिजन–२ का उत्कृष्ट छ जना प्रतिस्पर्धिहरु पहिलो पटक अष्ट्रेलियामा आयोजना हुने लाइभ कन्सर्टमा प्रस्तुत हुने भएका छन्। कन्सर्टमा नेपाल आइडल–२ का विजेता रवि ओड मुख्य आकर्षण रहनेछन्। नेपाल आइडल रवि ओडलाई प्रतियोगिताको उत्कृष्ट ६ मा पुग्न सफल विक्रम बराल, सुमित पाठक, अस्मिता अधिकारी तथा अमित बरालले कन्सर्टमा आफ्ना लोकप्रिय गीत–संगीत प्रस्तुत गरेर साथ दिने छन्। कार्यक्रममा पवन गिरीले पनि आफ्नो प्रस्तुती दिने कार्यक्रम छ। 

आगामी फेब्रअरी ८ अर्थात माघ २५ गते शुक्रवार सिड्नीको लिभरपूल स्ट्रिटस्थि सार्क होटलको स्पेस नाइट क्लबमा आयोजना हुने ‘नेपाल आइडल–लाइभ इन सिड्नी’ मा नेपाल आइडल–२ का विजेता, उपविजेतासहित उत्कृष्ट छमा पुग्न सफल गायक–गायिकाहरु प्रस्तुत हुदैछन्। सिड्नीको लाइभ कन्सर्टको आयोजना नेपाली टचले गर्न लागेको हो।अष्ट्रेलियामै सक्रिय एक्सपर्ट एजुकेसन एण्ड भिसा सर्भिसेसले यो वृहत सांगीतिक कार्यक्रमलाई मुख्य प्रायोजन गरेको छ।

नेपाली समुदायको अत्यधिक बसोबास रहेको सिड्नीमा फेब्रुअरी ८ मा भव्य रुपमा कार्यक्रम सम्पन्न गर्ने गरि तयारी गरिएको नेपाली टचका  फाउन्डर डाइरेक्टर दिपेश पुनले जानकारी दिएका छन्। ‘कार्यक्रमका लागि पर्चा पम्प्लेट वितरण गरिनुका साथै सामाजिक सञ्जालमा कार्यक्रमको प्रचारप्रसारलाई तीब्र बनाईएको छौं’, पुनको भनाइ छ। 

स्थानिय समय अनुसार साझ ८ बजेदेखि प्रारम्भ हुने नेपाल आइडलको लाइभ कन्सर्टमा नेपालकी लोकप्रिय डान्स जक्की डिजे अर्पणा पनि सहभागि हुने छिन्। कार्यक्रममा सिड्नीमा बसोबास गर्ने स्थानिय कलाकारहरुले पनि आफ्नो प्रस्तुती दिने आयोजक नेपाली टचका सीईओ राज के गोस्वामीले बताएका छन्। कार्यक्रमको सञ्चालन नेपाल आइडलकी प्रस्तोता तथा अभिनेत्री रीमा विश्वकर्माले गर्ने छन्।

नेपाली टचले यसअघि नेपाल आइडलको पहिलो संस्करणका विजेताहरुलाई पनि अष्ट्रेलियाको कन्सर्टमा प्रस्तुत गरिसकेको छ।

खाद्य संस्थानले बिक्रिका लागि खरिद गरेको सिमिमा ढुंगा, माटो, गिट्टी, सिमेन्टका डल्ला

खाद्य संस्थानले बिक्रिका लागि खरिद गरेको सिमिमा ढुंगा, माटो, गिट्टी, सिमेन्टका डल्ला

Posted On 27 August 2017 | By Namaste Hajur

खाद्य संस्थानले बिक्रिका लागि खरिद गरेको जुम्लाको सिमिमा ढुंगा, माटो, गिट्टी, सिमेन्टका डल्ला लगायतका अखाद्य वस्तु जानीजानी मिश्रण गरिएको भेटियो।

पाँच दिने औपचारिक भारत भ्रमण पुरा गरि प्रधानमन्त्री देउवा स्वदेश फर्कदै | रौतहटमा बाढीबाट विस्थापित एक हजार भन्दा बढी परिवार सडकमा, पालभित्र जीवन निर्वाह गर्न बाध्य | सुरक्षित आवास निर्माण गरिदिन पीडितहरुको आग्रह | बाढी प्रभावित क्षेत्रका किसानलाई पुन: स्थापित गर्न १ अर्ब २५ करोड रुपैयाँको सरकारी राहत घोसणा | माछापोखरी मर्मत देखि मल-बियु निःशुल्क वितरणको योजना | साफ यू-१५ च्याम्पियनसिपको उपाधि भारतले जित्यो, नेपाल २-१ गोल अन्तरले पराजित

कुहिएको चामल प्रकरणमा रुकमाङगत कटुवाल | आदालतमा श्रीमती कुट्ने शंकर ज्ञवालीलाई १ बर्ष जेल

कुहिएको चामल प्रकरणमा रुकमाङगत कटुवाल | आदालतमा श्रीमती कुट्ने शंकर ज्ञवालीलाई १ बर्ष जेल

Posted On 17 August 2017 | By Namaste Hajur

कुहिएको चामल प्रकरणमा रुकमाङगत कटुवाल | आदालतमा श्रीमती कुट्ने शंकर ज्ञवालीलाई १ बर्ष जेल

बाढीको मौका छोपी जनकपुरमा वालिकाको बलात्कारपछि हत्या

बाढीको मौका छोपी जनकपुरमा वालिकाको बलात्कारपछि हत्या

Posted On | By Namaste Hajur

जनकपुर उपमहानगरपालिका–१ मुसहर वस्तीका एक जनाले १३ वर्षीया बालिकालाई वलात्कार गरी हत्या गरेका छन्। मंगलबार दिउँसो ४ बजेतिर घरमा कोही नभएको बेला घर भाडामा बस्दै आएका धनुषा बेलाका ४० वर्षका रामचन्द्र महतो नुनियाले मुसहर वस्तीका कृष्णदेव साहकी १३ वर्षिया छोरी विविका कुमारी साहको बलात्कारपछि हत्या गरेका हुन्।
रामचन्द्र गएको तीन वर्षदेखि श्रीमती पवितादेवीसँगै भाडामा बस्दै आएका थिए। घटना लगत्तै श्रीमान श्रीमती दुवै जनालाई प्रहरीले पक्राउ गरेको छ। महतोले वालिकाको वतात्कारपछि घाँटी थिचेर हत्या गरेको र हत्या गरेर कोठाकै वाकसमा शव लुकाएर राखेको प्रहरीले फेला पारेको थियो।

जनकपुर उपमहानगरपालिका–१ मुसहर वस्तीका एक जनाले १३ वर्षीया बालिकालाई वलात्कार गरी हत्या गरेका छन्। मंगलबार दिउँसो ४ बजेतिर घरमा कोही नभएको बेला घर भाडामा बस्दै आएका धनुषा बेलाका ४० वर्षका रामचन्द्र महतो नुनियाले मुसहर वस्तीका कृष्णदेव साहकी १३ वर्षिया छोरी विविका कुमारी साहको बलात्कारपछि हत्या गरेका हुन्।
रामचन्द्र गएको तीन वर्षदेखि श्रीमती पवितादेवीसँगै भाडामा बस्दै आएका थिए। घटना लगत्तै श्रीमान श्रीमती दुवै जनालाई प्रहरीले पक्राउ गरेको छ। महतोले वालिकाको वतात्कारपछि घाँटी थिचेर हत्या गरेको र हत्या गरेर कोठाकै वाकसमा शव लुकाएर राखेको प्रहरीले फेला पारेको थियो।

बाढीको अर्को दर्दनाक र कारुणिक दृश्य जस्ले सबैलाई धरधरी रुवाउँछ - भिडियो

बाढीको अर्को दर्दनाक र कारुणिक दृश्य जस्ले सबैलाई धरधरी रुवाउँछ - भिडियो

Posted On 16 August 2017 | By Namaste Hajur

बाढीको अर्को दर्दनाक र कारुणिक दृश्य जस्ले सबैलाई धरधरी रुवाउँछ - भिडियो

जिल्ला प्रहरी कार्यालय भित्रै हानाहान । यसरि ढलिन कल्पना - भिडियो

जिल्ला प्रहरी कार्यालय भित्रै हानाहान । यसरि ढलिन कल्पना - भिडियो

Posted On | By Namaste Hajur

जिल्ला प्रहरी कार्यालय भित्रै हानाहान । यसरि ढलिन कल्पना - भिडियो समाचार

प्रहरीले दुई किशोरीलाई बलात्कार गरेको खुलासा

प्रहरीले दुई किशोरीलाई बलात्कार गरेको खुलासा

Posted On 12 April 2015 | By Namaste Hajur

काभ्रे, चैत्र २९ - पनौतीको सडकमा हिडिरहेका दुई किशोरीमाथि प्रहरीले बलात्कार गरेको खुलासा भएको छ । सिविन बालिका शान्तीगृहबाट भागेका १५ र १७ बर्षीया किशोरीलाई पनौती बसपार्कको प्रहरी बिट छेउमा प्रहरी हवल्दार शम्भु राउत अहिर र प्रहरी जवान श्रीराम साहले बलत्कार गरेका हुन् ।

काभ्रे प्रहरीले हवल्दार राउत र जवान साहलाई शुक्रबार पक्राउ गरी हिरासतमा राखेको छ । काभ्रे प्रहरी प्रमुख प्रहरी उपरिक्षक (एसपी) पूजा सिंहले आइतबार जबरजस्ती करणी मुद्दामा म्याद थप पश्चात अनुसन्धान गरिने बताइन् ।

गत चैत २५ गते राती प्रहरी साढे १० बजे राति सिविनको शान्ति गृहबाट तीन किशोरी भागेका थिए ।  उनीहरु भाग्दै पनौती बसपार्क पुगे । सडकमा लठ्ठी बोकेर बसेका प्रहरीले तीन किशोरीलाई रोकेर सोधपुछ गर्न थाले । उनीहरुले किशोरीलाई पक्राउ गरेर प्रहरी चौकी लैजाने भन्दै धम्क्याएको स्रोतले बतायो । स्रोतका अनुसार यौनसम्पर्क राख्न दिने भए नपक्रिने भन्दै प्रहरीले ति किशोरीलाई धम्क्याएका थिए । 'बालिकाले जे सुकै गर्नु तर प्रहरी चौकी नलैजानु भनेका थिए' एक प्रहरी अधिकारीले भने 'तीनमध्ये एक जनालाई छाडेर बाँकी दुई जनालाई बलात्कार गरेछन् ।' भागेकी अर्की किशोरी सडक किनारमा उभ्याइएकी थिईन् । यस्ता सुधार गृहमा आमा बाबु नभएका, असहाया र हिंसामा परेको स्थलबाट उद्धार गरिएका किशोरी र बालिका राखिन्छ ।

काभ्रे प्रहरीका अनुसार उनीहरुले दुई किशोरीलाई बसपार्क छेउको खाली र सुनसान चौरमा लगेर बलात्कार गरेपछि छाडिदिएका थिए । आधारातमा त्यहाँबाट निस्किएका किशोरीहरु काठमाडौं आईपुगे । यता आफ्नो शान्तीगृहबाट हराएका किशोरीहरु सीवीनले खोजी गरिरहेको थियो ।

शुक्रबार बिहान ति किशोरी ठमेलमा फेला परेका थिए । ठमेलबाट उनीहरुलाई सीवीनले लिएर गएको थियो । उनीहरुसंगको सोधपुछका क्रममा भागेकै दिन प्रहरीले बलात्कार गरेको रहस्य खुलेको थियो । सीवीनले महिला बालबालिका सेवा केन्द्र कालिमाटीमा ति किशोरीलाई लिएर गई अनुसन्धानको माग गरेको थियो ।

काभ्रे प्रहरीमा खबर गरेपछि त्यहाँका प्रहरी नायब उपरिक्षक राजकुमार केसीको संयोजनमा छानबीन समिती गठन गरियो । प्रारम्भिक छानबीनबाट प्रहरी दोषी देखिएपछि निलम्बन गरेर कारबाही सुरु गरिएको एसपी सिंहले बताइन् । स्रोतका अुनसार किशोरीहरुले प्रहरी नै हुन् या होईनन् यकिन नगरी हातमा लठ्ठी बोकेका ब्यक्तिले बलात्कार गरेको बताएका थिए ।

क्षेत्रिय प्रहरी कार्यालय हेटौंडाका प्रमुख नायब महानिरीक्षक -डीआईजी) देबेन्द्र सुवेदीले दुई जना प्रहरीले अत्यन्तै निन्दनिय अपराध गरेको बताए । 'अत्यन्तै लज्जास्पद घृणित अपराध हो, रक्षक नै भक्षक भएकोमा पिडा बोध भएको छ' उनले भने 'दोषीलाई कडा कारबाही गरी यस्ता घटना दोहोरीन नदिन कोसिस गर्नेछौं ।'

उनले आरोपीद्धयलाई जबरजस्ती करणीका साथै प्रहरी सेवा ऐन अनुसार समेत कारबाही गरिने बताए । पर्सा घर भएका हवल्दार २०५४ सालमा प्रहरीमा भर्ना भएका थिए । रौतहट घर भएका साह २०६४ मा प्रहरीमा भर्ना भएका थिए । मुलुकी ऐन जबरजस्ती करणीको महल अनुसार १४ बर्षदेखि माथी १६ बर्षभन्दा कम उमेरका किशोरीलाई बलत्कार गरेमा ६ बर्ष देखी १० बर्षसम्मको कैद सजाय तोकिएको छ । १६ बर्षभन्दा माथि २० भन्दा कम उमेरकी युवतीलाई बलत्कार गरे ५ बर्षदेखी ८ बर्षसम्म कैद सजाय तोकिएको छ ।  

कतारमा नेपाली जोडीले गरे ‘आत्महत्या’

कतारमा नेपाली जोडीले गरे ‘आत्महत्या’

Posted On | By Namaste Hajur

दोहा । आफ्नो पतिलाई स्वदेशमै छाडेर वैदेशिक रोजगारीका लागि कतार पुगेकी मकवानपुरकी रिना थापामगर परपुरुषसँग प्रेममा परिन्। कतारमै काम गर्ने कास्कीका श्याम थापासँग प्रेममा परेकी रिनाले आफूले गल्ती गरेको टेलिफोन गरेर आफ्नो पतिलाई सुनाइन्। आफूले गल्ती गरेको भन्दै उनी रोइन्। पतिले आफ्नी पत्नीको आँशु सहन सकेनन् र भने तिमीले चिन्ता नलिनु, उसैसँग विबाह गरे पनि मेरो केही आपत्ति वा गुनासो हुने छैन। 

रीना र उनका प्रेमी दुबैले रीनाका पति सञ्जय थापालाई रुदै फोन गरेर आफूहरुले गल्ती गरेको भन्दै आत्महत्या गर्न लागेको बताए । सञ्जयले त्यसो नगर, बिहे गरेर खुशी साथ बस भन्दा पनि उनीहरुले मानेनन्। अन्ततः रीना र उनका प्रेमी श्याम कतारको एक होटलमा मृतअवस्थामा भेटिएका छन्। विवाहिता रिना कतारमा सफाइ मजदुरका रुपमा काम गर्थिन्। कास्कीका श्याम सेक्युरिटी गार्ड गर्थे।

दुबैजना कतारको एक होटलमा मृत्त अवस्थामा भेटिएका छन्। उनीहरुको शव कतारकै हमाद अस्पतालमा राखिएको छ। घटना आत्महत्या नै हो होइन भन्नेबारे अनुसन्धान भइरहेको बताइएको छ। वैदेशिक रोजगारीका लागि कतार गएकी रिना कतारमै सेक्यूरिटी गार्डका कार्यरत श्यामसँग नजिकिएकी थिइन्। उनीहरुको सम्बन्धका बारेमा थाहा पाएका सञ्जयले रिनालाई सम्झाउने कोशिश गरे पनि सकेनन्।

आत्महत्या गर्नुअघि रिनाले सञ्जयलाई एसएसएस गरेर माफी मागेकी थिइन् । रिनाका प्रेमी श्यामले पनि सञ्जयसमक्ष फोनमा माफी मागेका थिए।

निर्दैयी बाबुआमाले बाँसघारीमा फालेका दुर्इ छोरीलार्इ प्रहरीले बचायो

निर्दैयी बाबुआमाले बाँसघारीमा फालेका दुर्इ छोरीलार्इ प्रहरीले बचायो

Posted On 13 December 2014 | By Namaste Hajur

जनकपुरधाम : कठ्यांग्रिदो जाडोमा सालनालसहित फालिएका दुई नवजात छोरीको स्थानीयको सहयोगमा प्रहरीले उद्दार गरेको छ। धनुषा र महोत्तरीमा प्रहरीले उद्धार गरिएका नवजात बालिकाहरुलाई जनकपुरस्थित सद्गुरु कबिर बालबात्सल्य आश्रममा बुझाइएको छ। खोपी गाविस महोत्तरीको बैरिया टोलको पोखरी डिल र धनुषाको महेन्द्रनगर नजिकै बाँसघारीमा फालिएका नवजात बालिकाहरुलाई स्थानीयले भेटेपछि प्रहरीलाई खबर गरेका थिए। 

चिसो लागेर गम्भीर अवस्थामा रहेका बालिकाहरुलाई जनकपुर अञ्चल अस्पतालमा उपचार गराई अनाथआश्रमको जिम्मा लगाइएको सञ्चालक सन्त आलोकले जानकारी गराए। पछिल्लो समयमा छोरी जन्माएर फाल्ने प्रवृत्ति बढ्दै गएको छ। हालसम्म आश्रममा ६ वटा फालिएका छोरीहरुको पालनपोषण गरिराखेको आलोकले बताए। छोराको आशमा छोरी जन्मेका र अनैतिक सम्बन्धबाट जन्मिएका बच्चाहरुलाई मर्नका लागि फाल्ने गरिएको आलोकले बताए।

६ वर्षदेखि संचालित आश्रममा हालसम्म १६ जना बेवारिसे बालबालिकाहरु ल्याइएको छ। जसमा ४ जना घरपरिवारमा फिर्ता भइसकेका छन्। ४ को कुपोषणका कारण मृत्यु भईसकेको आलोकले बताए । हाल आश्रममा दुई छोरा सहित ८ जना बालबालिकाहरुको लालनपालन भईरहेको छ। 

बालबालिकाहरुलाई जन्म दिएर फाल्नेहरुलाई कारबाही गर्न प्रशासनले तदारुकता नदेखाएको कारण यस्तो प्रवृत्ति बढ्दै गएको आश्रमकी सञ्चालिका मिरा दिदीले बताईन्। बच्चा भेटाएकै बेला गाउँमा सोधपुछ गर्दा पत्ता लाग्ने अवस्थामा प्रशासनिक निकायले ध्यानै नदिएर बच्चा आफूहरुलाई जिम्मा लगाई पन्छिने गरेको मिराको भनाइ छ।