नयाँ चलचित्रमा अभिनेत्री श्वेता खड्का

नयाँ चलचित्रमा अभिनेत्री श्वेता खड्का

Posted On 04 September 2020 | By Namaste Hajur

चलचित्र ‘कहाँ भेटिएला‘ बाट नेपाली चलचित्रमा प्रवेश गरेकी अभिनेत्री श्वेता खड्काले नयाँ चलचित्रमा काम गर्ने भएकी छिन। उनी अभिनित चलचित्र ‘कान्छी’ दुइ वर्ष अघि प्रदर्शनमा आएको थियो। अहिले आफ्नो व्यापार व्यवसायमा व्यस्त रहेकी उनी यम थापाको लेखन तथा निर्देशनमा बन्न लागेको नयाँ चलचित्रमा अनुबन्ध भएकी हुन्।

‘हुर्रे’, ‘मेरी मामु’ र ‘राज्जा रानी’ निर्देशन गरिसकेका यम थापाको निर्देशनमा बन्ने नयाँ चलचित्रमा श्वेता आमाको भूमिकामा देखिने छिन्। चलचित्रले आमा र छोरीको भावनात्मक सम्बन्धको कथा बोल्ने बताईएको छ। कोरोना महामारी अवस्था अलिक सहज हुने बित्तिकै चलचित्रको छायाँकन सुरु हुने निर्देशक यम थापाको भनाई रहेको छ।

चलचित्रमा छोरीको भूमिका बाल कलाकार सेड्रिना शर्मालाई अफर गर्ने सोचमा छन् निर्देशक थापा। सेड्रिना अहिले जन्मथलो झापामा रहेको कारण कुरा अगाडि बढ्न पाएको छैन। डेब्यू चलचित्र ‘कहाँ भेटिएला’ देखि नै लभर गर्लको भूमिकामा देखिँदै आएकी श्वेतालाई यो चलचित्रमा पहिलो पटक दर्शकले भिन्न भूमिकामा देख्न पाउनेछन्। आमाको भूमिका भए पनि चलचित्रमा केन्द्रिय भूमिका श्वेताको रहने निर्देशक थापा बताउछन्।

हाल स्क्रिप्टको कार्य सकायर लोकेसन फाइनल गर्ने कार्यमा लागेका थापाले चलचित्रमा समाबेश अन्य कलाकार तथा प्राबिधिकहरुको जानकारी केहि समय पछि गराउने बताए। कोरोना महामारीका कारण ठप्प रहेको चलचित्र उद्योगलाइ चलायमान बनाउनु र चलचित्रकर्मी तथा प्राबिधिकहरुलाई आशाबादी बनाउन जरुरि रहेका कारण आफु यो अवस्थामा पनि चलचित्र निर्माणमा जुटेको थापाले बताए।

नायिका श्वेता खड्काको आकर्षक फोटो ग्यालरी हेर्न यहाँ क्लिक गर्नुहोस्

कोरोना महामारीको डटेर सामना गर्ने महिलाकालागि एक लाख डलर सहयोग

कोरोना महामारीको डटेर सामना गर्ने महिलाकालागि एक लाख डलर सहयोग

Posted On 26 April 2020 | By Namaste Hajur

कोरोना भाइरसबाट पूरा संसार प्रभावित भएको छ। यो महामारीसँग लड्न बलिउड सेलिब्रिटीले पनि मद्दत गरिरहेका छन्। प्रियंका चोपडा, शाहरुख खान, अक्षय कुमार, सलमान खानसहित धेरै सेलिब्रिटी विभिन्न प्रकारका सहयोग लिएर अगाडि आएका छन्। धेरै स्थानमा गरिएको च्यारिटीपछि अभिनेत्री प्रियंकाले स्वास्थ्यकर्मीको पीडा अनुभव गरिन्।

प्रियंकाले फ्रन्टलाइन हेल्थकेयर वर्कसका लागि २० हजार थान फुटवेअर्स सहयोग गरेकी छन्। खबरअनुसार उनले कोरोना भाइरस महामारीबीच लसएन्जल्समा फ्रन्टलाइनमा काम गरिरहेका स्वास्थ्यकर्मीका लागि १० हजार फुटवेअर दान गरेकी छन् यसबाहेक पूरा भारतका सार्वजनिक र सरकारी अस्पतालका स्वास्थ्य सेवाकर्मीका लागि अतिरिक्त १० हजार जोडी जुत्ता पठाएकी छन्।

प्रियंकाले ‘क्रक्स सुज’ पठाएकी छन् ताकि घण्टौं काम गर्दा उनीहरूले सहज अनुभव गरून्। प्रियंका र उनका पति निक जोन्स लकडाउनबाट प्रभावित स्वास्थ्यकर्मीलाई मात्र होइन विद्यार्थी, महिला, गरिब परिवार र बच्चालाई पनि सहयोग गरिरहेका छन्। प्रियंकाले युनिसेफ, फिडिङ अमेरिका, डाक्टर्स विदाउट बोर्डर्स, नकिङ हंग्री, गिभ इन्डिया, आईएएचभी, फ्रैंड्स अफ एसिमा र पीएम केयर फन्डलाई डोनेसन दिइसकेकी छन्। यसका साथै उनले यो संकटको डटेर सामना गर्ने महिलाका लागि एक लाख डलर अर्थात् ७६ लाख भारतीय रुपैयाँ सहयोग गर्ने बताएकी छन्।

बिकिनी अवतारमा नायिका स्वस्तिमा खड्का

बिकिनी अवतारमा नायिका स्वस्तिमा खड्का

Posted On 11 October 2019 | By Namaste Hajur

नायिका तथा मोडल स्वस्तिमा खड्का पछिल्लो समय ग्ल्यामर लुक्समा देखिन थालेकी छिन्। केही समयअघिसम्म पनि उनलाई सिम्पल नायिकाका रुपमा लिने गरिन्थ्यो। ‘बुलबुल’ नामक फिल्ममा उनले गरेको अभिनयको निकै तारिफ हुन भयो। यो फिल्ममा पनि स्वस्तिमा एक सामान्य र सोझी युवतीको भूमिका निभाएकी थिइन्। आजभोलि उनले सामाजिक सञ्जालमा बिकिनी अवतारका तस्वीरहरु निरन्तर शेयर गर्न थालेकी छिन्। बिकिनी भेषमा देखिने नायिकाहरुमा स्वस्तिमा पनि थपिएकी छिन्।

त्यसो त केही पहिलेसम्म यसरी बिकिनी लगाएका तस्वीर राख्दा फ्यानले गाली गर्ने गर्थे। अहिले भने यसलाई सामान्य रुपमा लिन थालिएको छ। सामाजिक सञ्जालमा जसरी रमाए पनि दर्शकको साथ पाउन भने अभिनय नै राम्रो हुनु पर्छ। अब ‘घामड शेरे’ र ‘चपली हाइट ३’ मार्फत दर्शकमाझ आउन लागेकी स्वस्तिमाले अभिनयमार्फत दर्शकलाई आफ्नो बनाउन सक्छिन् कि सक्दिनन्, भविष्यले नै बताउला।

स्वस्तिमा खड्काको बिकिनी अवतार
[फोटो ग्यालरी हेर्न यहाँ क्लिक गर्नुहोस्]